Шукырак еҥ лудын кертеш

Подписка - 2018

2017-ше ий мучаште «Чолман» газетлан тӱшкан подпискым ыштыше коллектив-влак нерген возенна ыле. Тыгайже кызытеш шуэнрак вашлиялтеш гынат, еҥ-влакын, «ӧрдыж чӱчӱм» вучен шинчыде, илышыште шке мом-гынат сайым, кӱлешаным ышташ шонымыштым ужын да пален шогаш садак кумылло. Кодшо арнян Караидель районышто илыше Геннадий Саликов, редакцийыш йыҥгыртен, поро уверым шижтарыш. «Район администрацийым тарватышым, Караидель, Байкибаш, Караяр, Ургуш ялсоветлаш «Чолман» газетлан подпискым ыштышна. «Районыштына шагал еҥ «Чолманым» налеш» маныда, тыге шукырак еҥ лудын кертеш», - каласыш тудо.

Э. АЛЕКСЕЕВА.