Башкортостанстатын шотлымыж почеш кодший январь - ноябрь тылзылаште республикыште 45,2 тӱжем икшыве шочын, 46,2 тӱжем еҥ колен. Ола округ-влак коклаште ты чот дене Уфа ончылнырак улеш: 11 тылзе коклаште 13,2 тӱжем икшыве шочын, 11,1 тӱжем еҥ колен.
Муниципальный район-влак коклаште Белорецк районышто (олажымат пуртымо) ты чот кугурак: 1,2 тӱжем йоча ош тӱняш толын, 1,5 тӱжем еҥ илыш гыч каен.