Икшыван ешлан ипотекын процентшым иземдат

Эл правительство икшыван еш-влаклан ипотечный кредитын процентшым иземдаш субсидийым тӱлымӧ радамым рашемден.

Тыге 2018 ий 1 январь гыч 2022 ий 31 декабрь марте кокымшо але кумшо икшыве шочмо годым ешлан ипотекым тӱлаш льготан жапым пуат да ипотекым 6 процент марте волтат. Кокымшо икшыве шочмо годым тыгай жап кум, кумшо икшыве шочмо годым вич ий шуйна. Ты йӧн дене у илыме верым ипотека дене налше да улшо кредитым рефинансироватлыше-влак пайдаланен кертыт.

Икмыняр условийжат уло: договор 2018 ий 1 январь деч вара ыштыме, кредитше кум миллион теҥге деч артык огыл (Москваште, Московский областьыште, Санкт-Петербургышто да Ленинградский областьыште - кандаш миллион), икымше взнос 20 процент деч шагал огыл лийшаш, заемщик личный страхований да илыме верым страховатлыме договорым ыштышаш.

Э. АПТУЛМАНОВА ямдылен.