Сайлымаш нерген

Рӱдӧ избирком 7 январьыште Россий Президентым сайлымашлан шкеныштым шке темлыше кандидат-влак деч документым пытартыш кече налын. Ты кечын вич еҥ документым намиен.

Президентым сайлыме кампаний тӱҥалме годсек Россий ЦИК-ыш сайлымаш годым баллотироватлалташ шонымо нерген 46 еҥ увертарен, тыгодым 15 кандидатше гына документым пуэн.

Тыгак кандидатым темлыме мероприятийым эртарыме шотышто политический партий-влак 21 уведомленийым пуэныт. Политический партий-влакын темлыме кандидат-влак деч 2018 ий 12 январь пелйӱд марте документым налыт.

Президент Владимир Путин 5 январьлан сайлымаш кампанийлан избирательный фондшо гыч 13,4 миллион теҥгем (2%) кучылтын. Кандидат-влак ты сомыллан эн шукыжо 400 миллион теҥгем ойырен кертыт. Ты фондыш кандидат-влакын шкеныштын (чыла оксан 10% деч шагалракше), кандидатым темлыше партийын (50% деч шагалракше), граждан да юридический лица-влакын шке кумылын ойырымо (тидын шотышто 1,5% да 7%) оксаштым чумырымо.

Э. АПТУЛМАНОВА ямдылен.