Идалыкым сеҥымаш гыч тӱҥалыныт

4-6 январьыште Стерлитамак олаште куштылго атлетика дене «Телымсе каникулын призшылан» республикысе тунемше-влакын первенствышт эртен. Нефтекамск оласе йоча да самырык-влаклан спорт школын воспитанникше-влакын командыштышт марий ӱдыр-рвезе-влакат лийыныт, нуно сай результатым ончыктеныт - 30 метр кужытан дистанцийыште В. Набиев (6-шо школ) кокымшо верым, В. Васильева ден М. Черепанов (4-ше школ) кумшо верым, 300 метрыш куржмаште В. Набиев (6-шо школ) кокымшо верым, С. Гилемзянова (6-школ) кумшо верым налыныт. 600 метрыш куржмаште А. Гайфутдинова (4-ше школ) кумшо лийын, 1000 метрыш куржмаште А. Сагидуллина (4-ше школ) кокымшо да 600 метрыш куржмаште кумшо лийын.

А. НАБИЕВ, 6-шо школын физкультурым туныктышыжо.