Суапле сомыл шукталте

Шаран селаште тымарте марий-влакын шӱгарлашт уке ыле. Пытартыш ийлаште тиде сомыл пӱсӧ йодышыш савырныш. Марий мер пашаеҥ-влаклан кӧра тиде кӱлеш паша тений шукталте: шӱгарлалан верым ойырышт. Тудо православный верам кучышо да мусульман калыкын шӱгарлашт воктене шкаланже верым муо. Тиде сомыллан оксамат кужу жап ышт пого. Полыш кидым эн ончыч марий мер автономийым вуйлатыше А. Минлин, предприниматель-влак В. Миндияров ден

С. Исламов, паша ветеран Л. Абакирова да молат шуялтышт. Кевытлаште шийвундылан лӱмын вераҥдыме ате-влакат пуста ышт лий.

Штампованный сетке дене саварлыме сомылым кӱчык жапыште ик чолга марий - «Водоканал» организацийын вуйлатышыже В. Исламбратов - командыже дене чаплын шуктыш. Тысе активист-влак вес ийлан шӱгарлаш пушеҥге-влакым шындаш шонат.

А. АСМАЕВ.