Шочмо йылмым палет - поян улат

Марий йылме да тӱвыра арня шочмын «Шочмо йылмын поянлыкше» марий изданий-влак выставке дене почылтын. Выставке йоча-влакым тачысе кечын марий йылме дене лекше газет да журнал, верысе автор-влакын пашашт да кызытсе марий книга-влак дене палымым ыштен. Кушкыжмо марий калык модмаш-влак дене пойдаралтын. Тушко 5-ше, 6-шо да 7-ше класслаште тунемше-влак ушненыт. Нуно «Алаша», «Кő писынрак», «Агытан ӱчашымаш», «Ӱштő кырен», «Мече дене», «Йогын вӱд» модыш-влак дене модыныт. Палемдаш кӱлеш, нине модыш-влак йоча-влаклан кызытсе модышла деч оҥайракат чучыт. Вӱргечын Павасола кыдалаш школын тунемшыже ден туныктышыжо-влак 2-шо номеран Калтаса школыш миеныт. Молан манаш гын тушто Марий тиште кечылан лӱмдалтше «Марла чын возена» кугу марий диктант эртен. Тиде мероприятий гыч яра кид ден толмо огыл: чыланат участникын сертификатшым налыныт. Изарня кугурак класслаште тунемше-влаклан пӧлеклалтын. Тудо Литератур да тӱвыра шагат урок-влак дене кылдалтын. Тунемше-влак марий йылме поянлыкым кузерак палымыштым ончыктымо конкурс шотан мероприятийыш ушненыт. Тыште марий фольклорым, кызытсе марий литературым палыме кӱлын. Тидын деч посна марий муро да куштымаш-влакат őрдыжеш кодын огытыл. Кугарня - Марий тиште кече. 7-ше классыште тунемше-влак марий литератур кафешке погыненыт. Тиде мероприятийыш уло школ ушнен. Шуматкечын марий куштымашлан пőлеклалтше мастер-классым Г.А. Ибакаев эртарен. Тыште тунемше-влак марла куштымаш дене лишкырак палыме лийыныт. Тиддеч посна тӱрлő верлаште илыше марий-влакын семыштым колыштыныт да икмыняр мурым муреныт. Тыгак арня мучко чыла класслаште марий тӱвыра дене кылдалше урок-влак эртарыме. Мутлан, «Марий калыкын тӱшкаже-влак», «Марий калык вургем», «Марий куштымаш-влак», «Марий калык кочкыш» да молат.

Арня мучко йоча-влак, конкурс мероприятийлаште вийыштым ончыктен, жетон-влакым модын налыныт. Тидын деч посна школышто сочинений конкурсым эртарыме, но, чаманаш логалеш, тушко шагал тунемше ушнен. Жетон-влакым, сочинений баллым, кугу марий диктантыште вийым тергымым, мастер-классыште шкем ончыктымым шотыш налын, йоча-влак ныл тӱрлő Чап грамот дене палемдалтыныт: 1-ше вер - Э. Гараева, Е. Егоров, 2-шо вер - С. Ахтариева, 3-шо вер -

А. Никифорова, Е. Айгильдина. Призер-влак радамыш Ю. Ахмадиева, Е. Тимаев, В. Тамиева, Д. Тимиргалина, Л. Ванина, К. Егорова, В. Сайпушева, А. Ахмадиев, И. Гаврилов, М. Шакиртов логалыныт.

Каласен кодаш кӱлеш, тиде арня йоча-влаклан пеш чот келшен, торешланыде, творческий пашашке чыланат ушненыт. Тыгай мероприятий-влак йоча-влакым шочмо йылмым йőраташ, пагалаш туныктат, келгынрак тунемаш таратат. Тидын деч посна, Марий йылме да тӱвыра арня чыла класслаште тунемше-влакым иктыш ушен кертын. Тугеже, тыгай творческий пашам шуктышо туныктышо Р.Ф. Айгильдинан тыршымыже сай лектышым пуэн.

М. МИНИЛБАЕВА, Башкир кугыжаныш университетын Бирск филиалын