«Марла чын возена»

6 декабрьыште Марий кугыжаныш университет да Республикысе марий тӱвыра рӱдер Марий Элын Тӱвыра министерствыжын полшымо дене Йошкар-Олаште «Марла чын возена» V чумыр диктантым эртарат. Тушко тунемше, туныктышо, студент, вуз преподаватель, кугыжаныш пашаеҥ да шке шинчымашыжым аклаш шонышо моло кумылан еҥ-влак ушнен кертыт.

Мо оҥайже, Марий кугыжаныш университетын Калыкле тӱвыра да тӱвыра кокласе коммуникаций институтшын марий йылме да литература кафедрыж дене кутырен келшен, тыгаяк диктантым мемнан элысе ола ден районлаште да яллаште веле огыл, йот эллаштат синхронно эртараш лиеш.

Э. АПТУЛМАНОВА.