ГИБДД-ште - у правил-влак

20 октябрьыште ГИБДД пашаеҥ-влаклан административный регламентын у йодмашыже-влак вийым налыныт. У инструкций дене келшышын, Кугыжаныш автоинспекций инспектор-влак автомобиль-влакым ынде кеч-могай верыште чарен шогалтен кертыт. Тыгак корнысо ситуацийым стационар постыштат, автомобильыштат, патруль машина деч поснат эскераш лиеш. Правилым пудыртымым эскерыме, аварий чӱчкыдын лийме корнылаште фото-видеосъемкым ыштыме годым ДПС автомобиль удан коймо верлаште маскироватлалт кертеш. Нунылан корно савыртыш, изирак курык тайыл, корнысо инфраструктур дене кылдалтше объект шеҥгек «шылаш» лиеш. ГИБДД инспектор-влакым видеокамерыш войзаш лийме нормым кораҥдыме. Водительым инспекторлан торешланымылан РФ КоАП-ын 19.3 статьяж почеш мутым кучаш шогалтен - 500 гыч 1000 теҥге марте тӱлыктен але 15 суткалан административный арестым ыштен - кертыт.

Л. ГРИГОРЬЕВА ямдылен.