Икшывым чын пукшыман

Кажне кугыеҥ тудын икшывыже таза, ушан, пиалан кушшо манын тылана. Тудын, кугемын, посна илаш тӱҥалмекыже, тазалыкше могай лийме изиж годым мом да кузе кочмыж дене чак кылдалтын.

Икшыве чын кочшо-йӱжӧ манын, кум тӱҥ правилым шуктыман:

1-ше правил

Кочкыш тӱрлӧ лийшаш. Икшывын организмже кушкаш да вияҥаш кӱлшӧ чыла веществам налшаш - тиде моткоч кӱлешан. Менюштыжо кажне кечын пакчасаска да емыж, шыл да кол, шӧр да шӧр йӧрвар, шурно гыч ямдылыме продукт (кинде, пучымыш) лийшаш улыт.

Икшыве пайдале кочкышым кочкаш торешлана гын, тудым пырля сӧрастараш, оҥайракым ышташ темлыза. Кукшо фрукт да пӱкш гыч пучымышеш весела чурийым келыштарен, кетчуп да пӧчыж гыч котлетеш узорым сӱретлен, а пареҥге немырым тарелкеш лумгурчак гай оптен кертыда.

2-шо правил

Икшывым изинек кечеш 4-5 гана палемдыме пагытыште кочкаш туныктыза. Тӱҥжӧ - кажне кечын эре ик жапыште кочман, кочмо коклаште 4-5 шагат деч шукырак эртышаш огыл.

Пурышт коштмо койышым мондыкташ манын, икшывым ӱстел коклаш шынден пукшыза. Нигузе туныктен огыда шукто гын, емыжым, кукшо печеньым, сокым темлыза - тыгай кочкыш ик жаплан шужымым мондыкта, но аппетитым огеш пужо.

3-шо правил

Кочкыш йочан кажне кечын кучылтмо вийжым ешарен шогышаш. Уто калорий ӧрдаш гына полша. Икшывыда уто нелытым поген гын, шере кочкышым да шуко калориян десертым шагалрак пуыза, холодильникыште але буфетыште ида арале. Ӱстембалан вазеш емыжым, тарелкеш тичмаш пырчан шурно гыч ямдылыме хлебцым оптен шындыза.

Икшывыдам спорт дене заниматлаш таратыза, кажне кечын кеч изишлан яндар южыш лектын коштса.

Э. АЛЕКСЕЕВА ямдылен.

(Россий Тазалыкым аралыме министерствын «Кугыжаныш научно-шымлыше медицина рӱдерже» ФГБУ-н материалжылан эҥертыме.)

Читайте нас в

«Чолман». Республиканская общественно-политическая газета на марийском языке. Издается с 24 апреля 1991 г.

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».