Кугыжаныш да шочмо йылме нерген

Республика Вуйлатыше Рустэм Хамитов Башкортостан Республикыште кугыжаныш йылмым да тыште илыше калык-влакын шочмо йылмыштым вияҥдыме нерген Указеш кидым пыштен. Тудо республикыште илыше калык-влакын шочмо йылмыштым арален кодаш икгай правам, Башкортостан Республикын кугыжаныш йылмыже-влакым да шочмо йылмым шке кумылын тунемаш йӧным ыштымым гарантироватлыше Россий Федерацийын Конституцийжын 68-ше статьяже негызеш да Башкортостан Республикын Конституцийжын 54-ше статьяжым илышыш шыҥдарыме шонымаш дене пеҥгыдемдалтын.

Указ почеш Башкортостан Республикын кугыжаныш йылмыже-влакым да тыште илыше калык-влакын шочмо йылмыштым арален кодаш, калык коклаште кумданрак шараш, вияҥдаш виктарыме проект-влакым илышыш шыҥдараш манын, республика Вуйлатышын грантшым учредитлыме.

Республика Правительствылан 2018 ий 1 февраль марте Башкортостан Республикын кугыжаныш йылмыже-влак да тыште илыше калык-влакын шочмо йылмышт нерген кугыжаныш программым ямдылаш да пеҥгыдемдаш, Указым илышыш шыҥдараш кушеч оксам налмым рашемдаш темлыме. Программыште «Башкир йылме», «Руш йылме» да «Шочмо йылме-влак» ужаш-влак лийшаш улыт.