«Тений мый галстук дене»

«Йолташ-влак, ме тыге тӱшкан идалыклан ик гана гына погынена. Шкаланже кӧра тыге вашлиймаш, икте-весынам ужын мутланымаш, пайдале ой-каҥаш дене пойдаралтмаш - кугу пайрем. Ынде вес мут. Те вет колхозышто, кечым поген, пашам ыштыше еҥ огыдал, туныктымылан пашадарым налын иледа. Молан пайрем гай погынымашыш сайынрак чиен толман огыл? Мутлан, пӧръеҥ-влак, шӱешышт галстукым пидыт гын, пеш сӧралын койыт ыле», - ойлен туныктышо-влакын август тылзыште эртарыме погынымашыштышт Шаран роно вуйлатыше.

Вес ийжылан Мешер шымияш школын туныктышыжо Усман Исламович Исламов конференцийыш йошкар тӱсан мотор галстукым пижыктен миен. Роно вуйлатышым вашлийынат, «Ужыда, Ахмет Шарипович, тений мый галстук дене улам» манын пелештен.

А. АСМАЕВ.