Шӧр гыч ыштыме кочкыш- йӱышым ужалат

26 августышто Уфаште «Молочная страна» VII Всероссийский фестиваль эрташ тӱҥалеш. Шӧр продукцийым ыштен лукмо шотышто Башкортостан элыште ончылно улеш. Лишыл 4-5 ий жапыште республикыште ик идалыклан 2,2 миллион тонн шӧрым налаш палемдыме. Башстатын данныйже почеш, тений пытартыш куд тылзыште кундемыште чылаже 874,7 тонн шӧрым (тушеч 517,7 тӱжем тонн - шке озанлыклаште, 278,3 тӱжем тонн - ял озанлык предприятийлаште, 78,7 тӱжем тонн шӧрым кресаньык-фермер озанлыклаште) ыштен налме.