Шочмо кундемым сагынен толыныт

Сокто селалан 300 ий темме амал дене пеш шуко калык погыныш. Сокто-влак Москва, Санкт-Петербург, Сургут, Уфа, Нефтекамск, Белебей, Октябрьский, Туймаза олала гыч шочмо кундемыштым сагынен толын шуыныт.

Пайремыш погынышо калыкым район администраций вуйлатыше И. Самигуллин, районысо депутат-влакын Советыштым вуйлатыше М. Хайруллин, Писар ял шотан илемын вуйлыкшо Р. Салимов саламлышт, селан лӱмлӧ еҥже-влакым Чап кагаз, тауштыме серыш да пӧлек дене палемдышт. Сокто селан ӱдыржӧ, Россий Кугыжаныш Думын депутатше Рима Баталова шокшо саламже дене пырля кыдалаш школ директор С. Гареевлан 350 тӱжем теҥгелан сертификатым, йочасад вуйлатыше Л. Гареевалан кугу коробка дене модыш-влакым кучыктыш.

Селан старостаже, тысе школын туныктышыжо А. Исламбуратов Соктын кужу илыш корныж нерген оҥайын каласкалыш. Пайрем амал дене тысе эн шоҥго еҥ Алмабика Мадияровам, шӧртньӧ сӱан марте икте-весым йӧратен илыше вате-марий Гульшикар ден Ишумбай Тимирбаевмытым, эн изи еҥ, кок тылзаш Николай Ильмурзиным шарнаш кодшо пӧлек дене куандарышт. Саламлыше-влак коклаш районысо «Марий вий» национально-культурный автономий мер организацийын председательже А. Минлин да мер организацийын Почетный председательже А. Асмаев ушнышт.

А. СЕМЕЙКИН.

Шаран район.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».