Тӧҥгак ден Эшым яллашке асфальт корным почыныт

Эшым ял райрӱдӧ деч тораштырак, Бурай район лишне верланен. Сай корно укелан кӧра калыклан телым, шошым да шыжым ял гыч кугорно марте лекташ йӧндымӧ лийын. Тӱрлӧ инстанцийлаш йодын возеныт, но тӱҥалтыште лектышыже лийын огыл. Туге гынат паша верже гыч тарванен. Кодшо кечылаште Тӧҥгак ден Эшым яллам республикысе трасса дене ушышо куд километр кужыт асфальт корным почыныт.