Ял пашаеҥлан - чап да пагалымаш

Ял озанлык пашаеҥын кечыжым агропромышленный колледжын студентше-влак, пасушто пашам ыштыше, киндым ончен куштымо чумыр паша верч йӱлышӧ, шочмо мландым йӧратыше еҥ-влак культура полатыште палемденыт.

Мишкан райадминистраций вуйлатышын алмаштышыже Л. Александрова, Башкир аграрный кугыжаныш университетын преподавательже, ял озанлык наука кандидат, профессор, Чорай ялын шочшыжо Денис Андрианов погынышо-влакым пайрем дене саламленыт. Ветеран-влаклан шуко поро мутым ойленыт, вет нунын тыршымышт дене производственный да перерабатыватлыше куат ышталтын. Нуно таче самырык-влакым шке опытышт дене палдарат.