Все новости
Новости
16 Кылме 2016, 18:10

Таум каласе, газет

Ме Караидель районысо Ӱрӱшъялыште илена.

Ме Караидель районысо Ӱрӱшъялыште илена. Тӱҥ трасса гыч ял марте 40 километр лиеш. Ялыште школ ден медпунктым шукертак петырыме. Туге гынат кеҥежым ялна тунарак пич лукышто верланыме гай ок чуч, вет Ӱрӱшъялыште Уфа ола гыч толшо дачник-влакат илат. Ялна Уфимка эҥер воктене верланен, сандене шуматкечын да рушарнян мемнан велыш шӱдӧ утла машина дене канаш толыт. Тӱҥжӧ - корным кӱ дене леведме.
У кевытнат уло. Тудын озаже-влак - вате-марий Жанна Леонидовна ден Андрей Айкашевич Байдугановмыт. Нуно Ерсола ялыште шочын-кушкыныт, кызыт Ургуш селаште илат. Байдугановмытын районышто пекарньышт да икмыняр кевытышт уло. Ургуш села деч 30 километр ӧрдыжтӧ илена гынат, ялыш свежа киндым, моло кочкыш-йӱышым кечын гаяк кондат.
Байдугановмыт кок ӱдырым ончен куштат. Анжела ӱдырышт кандашымше, Алиса кокымшо классыште тунемыт. Илалше-влакын кечыштым, моло ял пайремым эртарыме годым Андрей Айкашевич ден Жанна Леонидовна эреак шийвундо дене полшат. Ме, ялысе калык, нунылан «Чолман» газет гоч кугу таум каласена.
Читайте нас в