«Чистая страна» проект дене келшышын, кодший Баймак, Благовещенск, Давлекан, Сибай да Стерлитамак олала воктене пеҥгыде куштырам (ТКО) санкций деч посна чумыраш кучылтмо вич свалкым петыреныт. Тиде сомыллан 2 млрд утла теҥге окса каен. Тений Кумертау оласе тыгаяк свалкым кораҥдаш шонат. Тидын нерген БР Пӱртӱс дене пайдаланыме да экологий министерствын 2023 ийысе пашажым иктешлыме коллегийыште ведомствын министрже Нияз Фазылов увертарен.