СВО-што улшо-влакын ешышт могай полышым налын кертеш

Икшыве-влаклан

Нелашан ӱдырамаш, азам пукшышо ава да кум ийым темыдыме икшыве-влаклан шӧр кухня гыч кочкыш йӧрварым пуат. Регистрацийым эрташ лишыл раздаточный пунктыш але МФЦ-ш мийыман.

СВО участник-влакын ешышт 1,5 ийым темыше икшывыштым шкаланышт келшыше йочасадыш пуэн але кусарен кертыт, тыгодым йочасадыш тугок кондыштарат. Район але ола администрацийын образований пӧлкашкыже йодын мийыман.

Икшывым кеч-могай школыш тунемаш колташ але кусараш лиеш. Продленный тӱшкаш кондыштарымылан да шокшо кочкышлан оксам тӱлыман огыл (колледжлаште тунемше студент-влакынат тыгак). Ты йодышым тунемме заведенийыште шотыш кондыман.

СВО участник-влакын икшывышт кугыжаныш да муниципальный кружок-влакыш тугок коштын кертыт, нуным спорт секцийлаш эн ончыч налшаш улыт, кеҥежымсе «пионер» лагерь-влакыш путевкым тугок пуат, тылзеш 60 гана автобус дене тугок каен кертыт.

СВО участник-влакын икшывыштым колледжлаш, техникумлаш да моло кыдалаш профессиональный образований учрежденийлаш аттестатысе кокла баллым ончыде тунемаш налыт, нуно тугок тунемыт! Коммерческий группышто тунемыт гын, тӱлыде тунемме группыш кусарат. Ойырен налме специальностьышт дене бюджет вер уке гын, тунеммыжлан сертификат дене тӱлат. Тӱшкагудышто илымылан огыт тӱлӧ (вузышто тунемше студент-влакынат тыгак). Колледжын администрацийышкыже йодын мийыман.

Ешлан

Волонтер-влак СВО-што улшо-влакын ешыштлан озанлыкысе сомылым ворандарен колташат полшат, пум шелышт, лумым куэн коден, нунын кӱшеш аптека гыч эмым, кочкыш-йӱышым намиен кертыт.

Шаймуратов лӱмеш Волонтер штабын телефонжо: +7(800)201-89-03, Самырык-влакын кугыжаныш комитетыштын штабше: +7(927)311-23-55. 9.00 гыч 18.00 шагат марте пашам ыштат.

«Еш» службын пашаеҥже-влак социальный выплата, икшыве-влак дене илыш радамым тӱзатыме, алиментым налме, наследствым оформитлыме документ-влакым тугок шотыш кондаш полшат. Рӱдӧ офисын телефонжо: +7(347)246-02-80.

СВО участник-влакын да нунын ешыштын Башкирийысе санаторийыш ик гана 14 кечылан путевкым налаш правашт уло. Ты йӧн дене ик еҥ але лишыл родо-шочшо дене пырля пайдаланен - кажныже шым кече дене канен - кертыт. А икшывыштлан  показаний улмо годым санаторийыш путевкым пуат (йоча поликлиника гоч). Санаторийыш йодын мийыман.

СВО участник-влакын ешышт ик автомобильлан транспорт налогым огыт тӱлӧ. Йодмашым возыман огыл, льготым автоматически шотлат.

СВО участниклан, пелашыжлан, ийготыш шушо икшывыжлан колледжыште але, мутлан, автошколышто тунемаш сертификатым пуат. Калыклан паша вер шотышто рӱдерыш йодын мийыман. Ончычсо ий-влакланат компенсацийым налаш лиеш.

СВО участник-влакын ешышт гыч пенсий ийготыш шушо, инвалидностян еҥ-влак, ийготыш шудымо икшыве-влакым ончен куштышо ава-влак мӧҥгыштӧ, полустационарный форман социальный услугым налын але черет деч посна интернат-пӧртыш илаш каен кертыт. Шокшо линийын телефонжо: 8-800-775-00-14. Ты льготым Госуслуги гочат оформитлаш лиеш.

Пӧртым ырыкташ пулан, шке ямдылаш гын, 10% акшым гына тӱлаш лиеш. Верысе лесничествыш йодын мийыман.

Вашке гыч эше ик льготым илышыш шыҥдарат - Уфа гыч «Восточный выезд» дене тугок лектын кертыт. Ты льгота дене специальный военный операцийыште вуйжым пыштыше але колышо СВО участникын ешыжат пайдаланен кертеш. Льготым оформитлыме радамым варарак савыктат.

Москваш але областьыш сусыргышо сарзыеҥым ончаш полшаш мийыше лишыл еҥже-влак унагудышто але Башкирийын Москвасе полпредствыштыже тугок илен кертыт. Ты йодышым +7(495)621-40-30 телефон дене рашемдыман.

СВО участникын ешыже ЖКХ услугылан жапыштыже тӱлыдымылан пеним огеш тӱлӧ. Нигушкат йодын мияш огеш кӱл, ты правилым шукташ манын, администраций-влак управляющий компаний-влакыш спискым пуэныт. Нине еш-влак шӱкшакым шупшыктымыланат огыт тӱлӧ. Ты йодышым регоператор дене шотыш кондыман.

Пашам кычалше-влаклан посна полшат. Калыклан паша вер шотышто рӱдерыш йодын мийыман.

СВО участник-влакын ешыштлан юридический полышым тугок пуат.

СВО участник-влак да нунын ешышт пӧртышкышт газым пурташ сертификатым налын кертыт. Калыклан социальный полышым пуышо рӱдерыш але МФЦ-ш йодын мийыман.

Кугыжаныш музейлаш, театрыш, филармонийыш да моло вере мийыме годым билетым 50 але 100% скидка дене налын кертыт. Ты йодышым учрежденийын кассыштыже рашемдыман.

Лишыл еҥыштым йомдарыше еш-влаклан психологический да психотерапевтический полышым пуымо тугок программа уло. БР Здравоохранений министерствын Республикысе клинический психотерапевтический рӱдерже: +7(347)241-62-85. Республикысе клинический психиатрический больницын ӱшан телефонжо: +7(347)295-02-36 (йӱдшӧ-кечыже ышта). Икшыве да ача-аваштлан ӱшан телефон: 8-800-2000-122 (йӱдшӧ-кечыже ышта, тугок, лӱмым огыт йод).

Личный финанс

СВО участник-влак да ешышт жаплан кредитым але займым тӱлымым чарнен кертыт, но чумыр кугытшым садак тӱлыман. Ты йодышым оксам налме банкыште але микрофинанс организацийыште шотыш кондыман.

«Фонд развития жилищного строительства Республики Башкортостан» организаций деч пачерым пазар ак деч шулдынрак налаш лиеш. Тичмаш правилжым тыгай ссылка дене ончалман: zhilprog.bashkortostan.ru/documents/active/298309/, телефонжо: +7(347)218-17-46.

Кугыжаныш деч грантым налше, но 2022 ий шыжым частичный мобилизаций дене СВО-ш кайыше-влак грантын условийжым огыт шукто гынат лиеш. Ты йодышым грантым налме ведомство дене каҥашыман.

Республикысе тӱрлӧ «йоча» пособийым шотлымо годым СВО участник-влакын парышыштым огыт шотло. Федеральный полышым шотлымо годым Социальный фонд мобилизованный-влакын парышыштым шотыш ок нал.

Пӧртым, пристройым чоҥаш, ончыч чоҥаш тӱҥалме пӧртым ыштен пытараш але ялысе вер-шӧрыштӧ пачерым налаш социальный выплатым ончычрак налаш правашт уло. Тидлан ялысе вер-шӧрыш илаш кусарыме кугыжаныш программын участникше лийман.

Пачер налаш оксам погымо программын кызыт спецоперацийыште улшо участникше-влак бюджет премийге чыла оксаштым ончылгоч налын але нимогай штрафной санкций деч посна жаплан тӱлымым чарнен, толмекышт, уэш тӱлаш тӱҥал кертыт. Шокшо линийын телефонжо: +7(347)285-00-97.

Йодышда кодын гын, кушто рашемдыман?

Ситуационный рӱдерыш йыҥгыртыза. Телефонжо-влак: 122, ешартыш номер - 1.

+7(347)218-19-19 (кажне кечын 8.00 гыч 20.00 шагат марте).

ШАРНЫЗА!

Чыла льготым налме тӱҥ документ - военный мобилизаций почеш призыватлыме гражданинын але контрактникын справкыже. Нунын ешышт тудым верысе военный комиссариатыште налын кертеш.