Оксан ужашыжым пӧртылтат

Тиде льгота дене 2022-2023 ийлаште кыдалаш профессиональный образованийым пуышо учрежденийлаш тунемаш пурышо-влак пайдаланен кертыт. Еш-влаклан окса компенсаций тунемме семестрлан але идалыклан оксам тичмаш тӱлымӧ деч вара толаш тӱҥалеш. Компенсацийын кугытшо семестрлан 30 тӱжем деч, тунемме идалыклан 60 тӱжем деч шукырак лийын ок керт. Тыгай окса самырык еҥын тунемме жапше пытымеш, но 23 ийым темымыж марте, тӱлалтеш. Компенсацийым налашлан Калыклан социальный полышым пуышо республикысе рӱдерын филиаллашкыже але МФЦ-ш йодмашым пуыман. 2022-2023 ийлан компенсацийым тӱлаш йодмашым 2024 ий 1 июнь марте налыт.