Сарзе-влаклан полыш

Тыгай сорта икмыняр шагат йӱла да волгыдым, шокшым пуа. Нунын полшымо дене ыраш, кочкышым, вӱдым ырыкташ, вургемым кошташ лиеш. Специальный военный операцийыште улшо-влакын мутышт гыч, кок-кум сортам буржуйкыш вераҥдымеке, нуно землянкым йӱдвошт ырыкташ ситат - тыге салтак-влаклан шокшышто малаш йӧным ыштат. 

Блиндажлан сортам ыштыме сомыл технологий шотышто неле огыл гынат, шке ойыртемже уло. Тидлан ондак картоным пӱчкедыман, вара, пӱтырен, калай банкылаш вераҥдыман. Тыгыдемдыме парафиным але шыштым левыктыман. Гофрироватлыме картон гыч фитильым ямдылыман. Тудыжо кукшо да пеҥгыде лийшаш. 

Тек мемнан сортана-влак кажне салтакын кап-кылжым, шӱм-чонжым ырыктат, нунын верч тургыжланымына нерген шижтарат.