Толын ялышке СВО гыч салтак

Сашан СВО гыч отпусклан толмыжым ялыште палена ыле, но тыге кӓдырлен, унала пура манын шоненат омыл. 

Ӱстел тӧрыштӧ кутырен шинчена. Ик мут гыч весе лектеш. Вара йодым:

- Саша, кумылет уло гын, СВО-што служитлымет нерген каласет ала? Кузе тушко логалынат? 

 - Мый 2013-2014 ийлаште Таджикистан республикын границыштыже контракт дене служитленам. Садлан тышке логалмеке, йӧсым шижын омыл. Кызыт разведгруппышто улам. Руш калыкмутышто «Мужчины не плачут» манме шомак уло. Кунам кредалмаште йолташетым йомдарет да эше кидыштак кола гын, тунам магырыме гына огыл, пирыла урмыжат, чон коршта. 

- Кажне салтакын шоя лӱмжӧ уло. А тыйын могай?

- «Пегас», утларакшым «Чокнутый мариец» маныт. (Воштылеш.) 

- Гуманитарный полышым калык пеш чот пога. Тендан декат тиде полыш миен шуэш?

- Тидлан ӧпке уке. Полышым пеш сай намият: шокшо носки, йымал вургем, тӱрлӧ кочкыш... Башкирий гыч техника дене чот полшат. 

Саша ден Диана пелашыжын кок йочашт уло. Нуно шукерте огыл возалтыныт. Кызыт Пӱрӧ олаште илат, Тӧргымдӱр ялыш кова-кочашт деке толын, тӱрлӧ сомылым ыштен кодаш полшат. 

Пеш кугу тау тыге кӓдырлен толмыштлан. Эн тӱҥжӧ Сашалан да чыла салтаклан лишыл жапыште ешышкышт таза-эсен пӧртыл толаш тыланен кодына.