Кайык грипп

Вирусан чер пошкудо Татарстан да Марий Эл кундемыште шарлен. Тӱҥ шотышто вирусым вӱдыштӧ ийын коштшо кайык шара. Тыгай чер дене кайык-влак гына огыл, пырыс, пий да молат черланен кертыт. Сурткайыкын черланыме икымше пале-влак: йӱмым-кочмым чарна, пыстыл шотдымын оварга, шинча ошемеш, кекырек, йол тӱс весемеш, муным шагал мунчаш тӱҥалеш. Южо сурткайык нимогай пале деч посна 24-72 шагат жапыште кола.

 Кайык грипп еҥ декат куснен кертеш. Тыгодым капым сӱсандара, температур кӱза, чогашыл, вуй да логар коршташ тӱҥалыт. Кок-кум кече эртымек, шӱлаш неле лиеш, кокыртыш дене пырля вӱр лектеш. Тыгай чер пневмонийыш савырнен кертеш, шӱмлан да вергылан эҥгекым ышта. Суртоза-влаклан икмыняр ой-каҥаш: сурткайыкым ир кайык логалдыме верыште ашныман, оралте деч умбаке лукман огыл, кочкышыштым леведыш йымалне кучыман. Сурткайык шылым але муным сайын шолтыман. 

Сурткайыкын вучыдымын колаш тӱҥалмекыже, жапым шуйкалыде, ветеринар службыш полышым йодын кайыман. 

Йодышда лектеш гын, шокшо линийыш йыҥгыртен кертыда: 8-800-77-55-828.