+22 °С
Облачно
Ял илыш
19 Августа , 07:28
Интернет вышкым шогалтышт
Кызыт жапше тугай: чылалан интернет кӱлеш. Интернет уке гын, айдеме мокмыран пӧръеҥ гай - мумешкыже кычалеш але вигак сутка дене ыштыше кевытыш вашка. Мемнан Красный Октябрь ялысе калыкат, интернетым кычалын, кеҥежше, телыже, шошыжо, ночко шыжыже ик километр ӧрдыжтӧ верланыше автобус остановкыш вашкен. Йолынат каеныт, велосипед, машина денат кудалыныт. Рвезыжат, шоҥгыжат интернет ден вашлиймашыш мийыме семын коштыныт. Телефон дене эркын мутланашат тушкак вашкеныт.
Д. Байтуковын фотожо.
«ЧОЛМАН» ГАЗЕТЫМ МАX-ЫШТЕ ЛУДЫНА!
Тидлан мучашым ышташ манын, ӱмаште, «Устранение цифрового неравенства» федеральный программыш ушнаш шонен, калыклан умылтарен, ялыште подписьым погеныт. Тидын шотышто Д. Байтуков, О. Байбатырова, Ю. Иликаева кугу пашам шуктеныт. Конкурсышто 43-шо верым налын, Красный Октябрь вышкым вераҥдышаш ял-влак радамыш логалын.
Тиде кечылаште ялышкына вышкым конден шогалтышт. Лишыл кечылаште пуско-наладочный пашам шукташ тӱҥалыт. Илиш район Красный Октябрь ялыштат интернет лиймеке, еҥ-влак сото телефон дене, ик лук гыч весыш куржталде, эркын мутланен, интернет дене пайдаланен кертыт. Тиде пашам организоватлыше-влаклан таум каласена. Ӱшанена, ялна жап дене тӧр ошкылаш тӱҥалеш.
Пагалыме лудшына-влак, ВК ден Одноклассники соцлаштыклаште вераҥдыме уверым каҥашаш ушнаш ӱжына!
- У нас четкая цель – завести интернет во все деревни и села республики.
