Йолланде Кужнур яллан - 375 ий

Август тӱҥалтыште Бирск районысо Йолланде Кужнур ял 375 ияш лӱмгечыжым палемдыш. Ял изи гынат, пайремыш калык шуко погынен. Мемнан ешым марий еш семын унала ӱжыныт ыле. Пайремыште марий, руш да татар йылмыла дене муро, куштымаш, почеламут-влак йоҥгышт.

Йолланде Кужнур ялын "Юланде Сем" ансамбльже мура.

Верысе калыкын ожнысо да кызытсе илыш-йӱлаже дене палдарыше вургем, тошто ӱзгар-влакым чумырымо оҥай выставка пашам ыштыш. Кидпаша мастарлыкым ончыктымо сомылат пеш сайын эртыш. СВО темылан келыштарыме стендымат калык эртен каен огыл.

Пайрем годым тыгак ончыкылык тукымлан поро тыланымашан капсулым пыштеныт. Тудым 2051 ийыште почаш каҥашен келшеныт. Район, ялсовет вуйлатыше-влак СВО гыч толшо салтак, ялысе мер илышын чолга еҥже да ятыр ий пырля илыше еш мужыр-влаклан пӧлекым кучыктышт. Пайремым эртараш частный предприниматель Л. Байдимирова кугу полышым пуэн.

Бирск гыч мийыше Д.Т. Усманов ялысе клубым вуйлатыше В.К. Изибаировалан пӧлекым кучыкта.

Верысе калыкын ожнысо илыш-йӱлаже, историйже дене тошто арвер, вургем выставка палдарен.

У тукымлан поро тыланымашым возымо капсулым пыштат.

Ял калык да уна-влак.

Тиде пайрем - ялын лӱмгечыже гына огыл. Тудо тукым гыч тукымыш шочмо йылмым, илыш йӱлам, порылыкым саклен кодаш да умбакыже шуяш кумылаҥдыш. Тек мланде ӱмбалне эре тыныслык, вуй ӱмбалне яндар кава, мотор кече да элысе калык-влак коклаште келшымаш лийыт!

Пагалыме лудшына-влак, ВК ден Одноклассники соцлаштыклаште вераҥдыме уверым каҥашаш ушнаш ӱжына!

Автор:Т. ИРБУЛАТОВА. Йолланде Кужнур, Бирск район.

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Об использовании персональных данных

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

ОК - ok.ru/cholmanrb

МАКС - max.ru/cholman

Телефон

Телефон: 8(34783)7-07-97.

Эл. почта

cholman@mail.ru

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».