+25 °С
Ясно
Ял илыш
28 Июля , 11:04
Уржа-сорла. Шурным погат, кургым ямдылат
Башкортостанысе пасулаште уржа-сорла тургым вийым налын. Кызыт тушто кокияш пырчан шурным, тӱҥ шотышто шыдаҥым, тӱредыт. Шурным чылаже 280 тӱжем гектар мландыште поген налман.
Ял озанлык министерствын сайтше гыч налме фото-влак.
«ЧОЛМАН» ГАЗЕТЫМ МАX-ЫШТЕ ЛУДЫНА!
Тидым кодшо кугарнян Правительствын Премьер-министрже - ял озанлык министр Ильшат Фазрахманов Дӧртыльӧ ден Илиш районлаште уржа-сорла тургым кузе кайымым ончалаш мийымыж годым палемден. «Ял озанлык пашаеҥ-влаклан кӱлеш ресурсым ситарыме. Топливо 20 утла кечылан да ончыкыланат сита, ешарен шогена», - каласен тудо. И. Фазрахманов шуктышаш паша радамымат рашемден. Мутшо почеш, кокияш кушкыл деч вара пасулаште пурсам, августын икымше декадыже мучаште икияш шурным погаш тӱҥалыт. 24 июльлан кокияш шурным регионышто 26 районышто погат. Ял озанлык кушкыл-влакым чумыр кумдыкын 23 тӱжем гектарыштыже солымо. 86 тӱжем тонн шурным шийме, увертара Ял озанлык министерство.
Ял озанлык министр районлаште тыгак ончыл агропредприятийлаш миен савырнен, озанлык вуйлатыше-влак дене шурным кумдан погаш ямде улмым лончылен. Дӧртыльӧ районышто Ильшат Фазрахманов «БаишАгро», Киров лӱмеш, «Ленин», «Валиев» племзавод-влакын пасулаштышт кокияш шыдаҥым тӱредме паша дене палыме лийын. Посна тӱткышым тудо качественный сатум ямдылыме йодышлан - шурнын вӱдыжгӧ улмыжлан да тудым коштымо оборудований дене пашам шуктымылан - ойырен. Регионын аграрный ведомствыжым вуйлатыше Илиш районышто XXII Партсъезд лӱмеш СПК-ште кокияш уржам тӱредме пашам аклен. Тудо кечынак Ильшат Фазрахманов тусо элеваторышто лийын, «Игенче», «Илеш» ял озанлык предприятийлаште вольыклан кургым ямдылыме паша, «Урожай» племзаводын фермыштыже вольыкым ончымо сомылыш цифровой технологийым шыҥдарыме ойыртем дене палыме лийын.
