Мыняр ял озанлык техникым налыныт?

Ял озанлыкым элысе у техника да оборудований дене пойдараш «Технологическое обеспечение продовольственной безопасности» национальный проект йӧным ышта. «Кундемысе озанлык-влак 281 тракторым, шурным погышо 184, кургым погышо 59 самоходный комбайным, опрыскивательым, мландылан обработкым ыштыше, ӱдышӧ 370 машина ден орудийым, моло тӱрлӧ техникым налыныт. 2019 ий гыч чумыржо 82 миллиард теҥгелан 20,8 тӱжем утла техникым, оборудованийым налме. Тиде агропромышленный комплексын технический паркшым ятырлан уэмдаш да саемдаш полшен», - каласен БР Правительствын Премьер-министржын алмаштышыже - ял озанлык министр Ильшат Фазрахманов.