Йоча-влак ял озанлык пашам шымлат

Тушто йоча-влак кызытсе ял озанлык пашам кузе шуктымо, ӱстелыште кече еда ужмо кочкышым наука ден технологий-влак кузе ямдылаш полшымышт нерген пален налыт, шкеныштым тӱрлӧ профессийыште терген ончат. Тыгай тунеммашым БР Ял озанлык министерство эртара. «Сай профессионал-влакым кушташлан школысо парт гыч колледжыш, тушеч вузыш шуйнышо шинчырым шуяш кӱлеш», - каласен ял озанлык министр Ильшат Фазрахманов. «Я в АГРО» площадкыште 5-9 ияш йоча-влак шӧр дене опытым ыштылаш тӱҥалыт, вольыкым мо дене пукшымо, тазалыкыштым кузе аралыме нерген пален налыт. 10-18 ийготан-влак агродроным виктарен ончат, микроскоп йымалне кушкыл-влакым шымлат, VR-очки полшымо дене кӱкшӧ технологий дене йӧнештарыме ферма ден предприятийлан пашашт дене палыме лийыт, увертара БР Правительство.