-26 °С
Пылан
Все новости
Ял илыш
18 Сентябрьыште 2025, 10:57
Кургым ямдылат, сакырушменым луктыт
Башкортостаныште кургым ямдылыме сомыл мучашке лишемеш. 8 сентябрьлан кундемыште 556 тӱжем гектар мландыште кургылык кушкылым соленыт (ямдылышаш кумдыкын 95 процентше).
БР Ял озанлык министерствын сайтше гыч налме фото.
Пасулаште чылаже 637 тӱжем тонн шудым, 1 миллионат 133 тӱжем тонн сенажым ямдыленыт. Кызыт тӱҥ шотышто силосым оптат: телылан 115 тӱжем тонн нӧргӧ кургым шапашленыт.
Шурным погымо пашамат шуктат - тудым 900 тӱжем гектар мландыште поген налыныт, шурнын чумыр шийме кугытшо 2,6 миллион тонныш шуын.
Ушменым куштышо районлаште тыгак сакырушменым луктыт. 15 сентябрьлан 10 тӱжем утла гектар мландыште 418 тӱжем тонн сакырушменыным погеныт. Тидын шотышто Ермекей ден Альшей район-влак ончылно улыт. Ермекей районышто 65,3 тӱжем тонн пакчасаскам луктыныт, Альшей районышто сакырушменым гектар гыч 550 центнерым погеныт. Чишмасе сакыр завод ден «Раевсахар» компанийыш намийыме 139 тӱжем тонн вожсаска гыч 116,4 тӱжем тоннжым переработатленыт. Кызытеш 12,5 тӱжем тонн сакырым ыштеныт, увертара БР Ял озанлык министерство.
Новости партнеров