Жап писын эрта

Ышнат шиж, У ият толын шуо. Меат Тӧргымдӱр ялыштына Тошто У ийым вашлийна. Игече йӱштылан кӧра шукыжо лектын огытыл. Туге гынат, кож воктене «Изи кож» мурым мурен, шокшо чайым йӱынна.

Ялыштына шукыжо - пенсионер. Самырыкше, ялыште пайрем тӱс лийже манын, сурт-печым моторландараш тыршат. Теве Памаш (Родниковая) уремыште кожым вераҥденыт. Воктенже Лумӱдыр, Йӱштӧ коча, 2024 ийын символжо - Дракон, ош мераҥ да лумкурчак моторланен шогат. Тиде поро сомылым А. Янсубина, П. Ямаева, О. Якупова, Д. Байназова, В. Байназова, А. Ямаева каҥашен шуктеныт.

Толшо ийыште чылалан, тазалыкым, эмен илышым тыланен кодам, воктенда порылык гына озаланыже.