Тошто У ийым йолташ-влак дене пырля вашлийна

Йӱштӧ Кугызай чын вашештыше-влакым тутло кӧстенечше дене сийлыш. 

Йӱштырак игече нигӧн кумылжым волтен ыш керт. Погынышо-влак весела сем почеш тавалтышт, йомак герой-влак дене пырля шогал возалтыч, мутланышт. Кӧн кумылжо лийын, эсогыл имнешат шинчын коштын кертыныт. А вара лотерей модмашым тарватышт. Пӧлек деч посна кодшо ышат лий чай, тӱҥ призшылан тортым да шампанскийым ямдыленыт ыле. Мучашлан пайремыш толшо чыла еҥым самовареш шолтымо шокшо чай да пирожки дене сийлышт. 

Модын-юарлен, жап эртымымат ышна шиж, Тошто У ийым пырля-пырля пеш веселан вашлийна. Тудым кужу жап шарнен илаш тӱҥалына да у идалыкыште чылалан поро да тыныс илышым тыланена.

Тыгай пайремым эртарымыштлан индивидуальный предприниматель Н.М. Давлетовалан да «Дюна» кевытын коллектившылан кугу таум ойлена. А Акпарсыште эртарыме чыла мероприятийын спонсоржо - мемнан пагалыме Надежда Мурзагареевнана.