Чылажат кугу, тыгыз да тамле улыт, молан манаш гын ӱяҥдышымат шке ямдыла, икманаш, органическийым кучылтеш, химическийым огыл. Эн тутло, кӱын шушо арбузым ожно август мучаште ужалаш кондат ыле. Кызыт гын кушеч, могай арбузым кондат - кеҥеж мучко ни тамжым, ни кушто ончен куштымыштым умылен шукташ ок лий. Очыни, арбузым, Онар Валикаевын пакчаште кӱын шушо гайым, мемнан кундемыште тамлыме жап лач август мучаште лийшаш. Сийда перкан лийже!