Чодыра помышеш пызнен изи ял

Урем вес велне писте, шоло да моло тӱрлӧ пушеҥге ден вондер-влак кушкыт, мучашдыме олык ден пасу-влак шарлен возыныт. Мӧрым, пӱкшым, поҥгым, эм шудым погаш торашкат коштшаш уке - уремым вел вончо, чылажат тевыс тыштак - «йол йымалнак».  

Ожнырак У Эшымым перспективный огыл радамыш пуртымылан кӧра тышеч ятыр еҥже куснен каен, садлан ялыште медпункт ден школ веле огыл, эсогыл изирак кевытат уке гынат, кодшо кандаш суртышто илыш икшырымын ворана: суртоза-влак вий шутымо семын оралтыштым тӱзатат, пакчасаскам ончен куштат, мӱкшым кучат, уремыште юарлыше йоча-влакат койыт…