Все новости
Ял илыш
1 Сорла 2022, 11:44

Теҥыз флотышто служитлыше-влаклан пӧлек

Теҥгече Мишкан районысо Чорай селаште эше ик Воин чап стела ешаралте. Кодший шыжым Ойгырышо ава памятник воктене Пограничник-влаклан лӱмдымӧ лукым почыч.

Тунам В. Миронов моряк-влакланат тыгай Чап кӱм ышташ кӱлмӧ нерген шонымашым каласен. Тудын ойжо дене В. Ибраев, Ю. Изибаиров, А. Исмагилов да молат  келшеныт. Тыге кӱчык жапыште, оксам поген, вийым пыштен, 31 июль - Теҥыз флотын кечыже - марте чапле стелым ыштен шуктеныт. Моряк-влаклан стелым почмо пайремыш Чорай сельсовет ял поселений гыч Теҥыз флотышто служитлен пӧртылшӧ пӧръеҥ-влак гына огыл, уна, ял калыкат шуко погынен. Самырык тукымым патриотизм шӱлышеш куштымашке надырым пыштыше ялче-влаклан шуко еҥ таумутым ойлен.

Автор:Н. КАЙНИЕВА. Чорай села, Мишкан район.
Читайте нас в