Калыкым ялсовет администраций вуйлатыше О.И. Атнагузина саламлыш, активист-влаклан пӧлек ден Чап грамотым кучыктыш. Кугу ийготан-влакым пӧлек дене ветеран ушемын председательже Н.Г. Габдуллина куандарыш. Нунын кокла гыч Гульчач Миндияровалан 98 ий темеш, а Алтынчась Ибяева 95 ияш да Марзян Минлигалина 90 ияш улыт. Сценыште у ешым чумырышо, тыгак 2022 ийыште шочшо йоча-влакымат саламлышт.
Пайремым эртарыше вуйлатышылан да чыла полышкалыше-влаклан кугу таум каласыме шуэш. Ончыкыжымат тыгай чулым лияш да икте-весе дене келшен илаш тыланена. Концерт программым В.Г. Шафиева ден М.А. Сыртланова вӱдышт.