Чоным ырыктыше пайрем

Уремысе чатлама йӱштӧ нерым-шӱргым чывыштылын гынат, тиде кастене клубыш, Элым аралышын кечыже лӱмеш эртарыме концертыш, шуко калык толмо гыч койо. Да кузе от тол?! Коронавирус озаланыме годым мыланна, нигуш лекде, пӧртыштӧ гына шинчаш логалын, нимогай пырля погынымаш, концерт нерген шоныманат огыл ыле. Ынде веле клубысо мурызо-куштызо-влак дистанционно огыл, залыште шинчыше-влаклан шке мастарлыкыштым ончыктен кертыт. Еҥ-влакат куаненыт: икте-весым ужын, вашлийын мутланен, сагыныме шижмашым пытараш лиеш. Тыге йӱштӧ теле кас весела шокшо пайремыш савырныш.

Концертыште йоҥгышо чыла муро да куштымаш, чон гыч лекше шокшо ой-влак мемнан ӱшанле эҥертышна-влаклан: пелашланна, эргына, кочана, павайна, чӱчӱна, изана-влаклан - пӧлеклалтыныт ыле. Ик концерт номерым весе алмаштыш. Сценыште школысо тунемше-влак куштышт-мурышт, шкеныштын ачаштым пайрем дене саламлышт. Ты саламлымашке мурышо-куштышо «Ший памаш» ансамблят ушныш. Мурышо-влаклан музиканче Ю. Иликаев сылнын шоктыш. Касым И. Янситова, Н. Михайлова, Э. Иманова мастарын вӱдышт, погынышо калыкым шӱмыш логалше мут-влак дене куандарышт.

Пайрем касыш ял калык тич погынен ыле. Изиш чаманен каласаш логалеш, еҥ коклаште пӧръеҥ-влак шагал койыныт. Лишне паша вер укелан кӧра шукынжо, ешыштлан оксам ыштен налаш манын, мӱндыр вер-шӧрлаш каеныт. Шочмо кундем деч тораште нуныланат еш деч посна йӧсӧ, йӱштӧ да неле докан. «Шочмо ял гыч тыгай шокшо саламлымаш кажныжын чонжым куандара да ырыкта, пайрем шӱлышым пуа манын ӱшанен кодына», - маныт нунын ешышт, ялысе шочшышт да пошкудышт.

Авторын колтымо фото.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».