«Каныш кечым пайдалын эртарена!»

«Тазалык - эн кугу поянлык», - арамлан огыл марий калык тыге ойла. Тиде ой тенийсе Ӱшкыж идалыклан моткоч келшен толеш, вет республикыште 2021 ий тазалыклан лӱмдалтын. Айдемын тазалыкше верч шогышо-влак гыч иктыже - мемнан Павасола ялысе фельдшерна Елизавета Бикбатурова. Тудо визымше ий медпунктышто тырша. Елизавета Ильдыбаевна кугу опытан, паша стажше 30 ий утла. Ошалге чурийвылышан, изирак капан, но пеш кугу кӧргӧ виян да поро кумылан пашаче ӱдырамаш кажнылан поро каҥашым, чын полышым пуэн мошта. Ял калык тудым пагала, акла да йӧрата.

Кодшо шуматкечын Елизавета Ильдыбаевна мемнам чодыраш поген наҥгайыш. Ече корнына моткоч сӧрал вер гоч эрта: пурлаште - ужар кожер, а шолаште - шопкер. Лумжо шуко да пушкыдо. Тушто шордо кышат коеш. Оҥ тич яндар южым шӱлен, тӱрлӧ оҥайым каласкален, шуҥгалтын-кынелын да адак ече дене нюзыклен, содыки Киябак эҥер воктек миен шуна. Ик вереш чумырген, шокшо чайым подылна, каналтышна, войзалтна. Изиш каналтымеке, мӧҥгӧ тарванышна. Пӧртылмӧ корнына пеш кӱчык улмо гай чучо. Чылалан - изижланат-кугужланат - тиде каныш пеш келшыш. Тыге ме Тазалык идалыкым тӱҥална. Кажне каныш кечын ече дене лекташ ойым пидна, вет таза еҥын илышыжат весела, паша лектышыжат сай, ӱмыржат кужу.

Авторын колтымо фото.

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».