Пашалан изинек кумылаҥын кушман

Ӱдырамашын тӱнямбал кечыже вашеш Йывангасола тӱвыра пӧртыштӧ кидмастар-влак Любовь Валишина да Валерий Марков дене вашлиймаш эртыш. Нуно шке мастарлыкыштым Йывангасола школышто тунемше икшыве, туныктышо-влаклан да ял калыклан ончыктышт.

Любовь Валишина курчак-аралтышым ышташ туныктыш. Эн ондак тыгай курчакын историйже дене палдарыш. Ожно, шыдаҥым погымеке, у пырчым курчакым ышташ кучылтыныт. А шошым тиде шыдаҥым ӱденыт. Тыгай шыдаҥ поян шурным пуа манын ӱшаненыт. Любовь Витальевнан ыштымыжым чылан куанен ончышт да пеленже ышташ полшышт. Тудо латкок курчакым ончыкташ намиен ыле. Нуно икгай огытыл: иктыже поянлыкым тылана, весыже марлан кайыше ӱдырлан пӧлеклаш, кумшо пӧртым аралаш кучылталтеш.

Валерий Михайловичын ыштыме окнасергаже, капкаже-влак ялыште ятыр еҥын суртшым сӧрастарат. Ыштыме пашажым ончыкташ мастар кӱлеш ӱзгарым, ямде сӱрет-трафаретым, окнасергам намиен. Тудым кузе погымо нерген радам дене каласкалыш. Рвезе-влак ончен шоген ышт турко - шкештат ыштен ончышт.

Пашана арам ыш эрте, шонена. Юра Шаяхметов тиде сомыллан кумылаҥе: ик окнасергам ышташ мыняр жап, могай ӱзгар кӱлмӧ, узорым кушеч муаш лийме, кушто кучылташ лийме нерген йодышто.

Тыгай вашлиймаш полшымо дене ме йоча-влакым моторым ужаш, шижаш, пашам йӧраташ, яра жапыштым пайдалын эртараш кумылаҥдена.

Читайте нас:

Новости партнеров

Электрон тәмәке тартыусылар иғтибарына!

Башкирская шаль стала официальным брендом Зианчуринского района Башкирии

Дүртөйле районы башлыгы МХО яугирләреннән сәлам җиткерде

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».