Могай села эн «таза»?

Конкурсын икымше йыжыҥжым 10 апрель гыч 31 август марте районлаште эртарат. Ончык лекше ял-влак умбакыже республикысе конкурсышто таҥасат. Кокымшо йыжыҥыште сеҥыше яллан 500 тӱжем, кокымшо верлан 250 тӱжем, кумшо верлан 150 тӱжем теҥгем ойырат. Оргкомитетын увертарымыж почеш, конкурсышто сеҥыше села шийвундым шке поселенийжым тӱзатыме сомыллан кучылтшаш. Тылеч посна финалыш лекше лу населенный пунктлан 30 тӱжем теҥгем пуаш шонат. Конкурсын кокымшо йыжыҥыштыже чолгалыкым ончыктышо ял поселений, район администраций вуйлык, школ директор, журналист, туныктышо, тӱвыра, спорт пашаеҥ кокла гыч коло еҥым БР Правительствын дипломжо да лу тӱжем теҥге окса премий дене палемдынешт. Конкурсыш ушнаш йодмашым оргкомитетыш 12 май марте пуыман.

«Айык села» конкурсыш ушнымо радам дене тыгак 10 апрельыште Кушнаренко селаште республикыште икымше гана эртарыме ялласе староста-влакын сходыштышт палдареныт.