«Ӱярням пайремлышна»

Эр кылме дене физкультурым туныктышо В.Г. Ишкинин ече таҥасымашым эртарыш. Ондак изи ӱдыр-эрге-влак куржыч. Нунын коклаште Л. Алеева ден В. Янибеков эн ончыч толын шуыч. Нылымше-кудымшо класс тунемше-влак тӱшкаште А. Аплекаева ден К. Губаев чылам ончылтышт. Индешымше классыште тунемше-влак коклаште С. Никифоров икымше куржын тольо, Н. Тайгузин ден М. Илибаев тудын деч кугунак вараш ышт код. Сеҥыше-влаклан призым кучыктышт. Тӱрлӧ классыште тунемше-влак почеламутым каласкалышт, мурым йоҥгалтарышт, тушто-влаклан вашмутым кычальыч, конкурслаште шуаралтыч. Мучашлан чучылым йӱлатышна.

Ӱярня пайремым мемнан школышто кажне ийын эртарат. Ял калыкат погына. Ты ганат тудо пеш веселан эртыш. Ик йочат пӧлек деч посна ыш кае.