Сылне пеледыш тӱняште

Август тылзыште Йывангасола тӱвыра пӧртыштӧ тӱнясе ик эн сылне моторлык - пеледыш - нерген мутланышна. Залым шар, пеледыш корзиҥга-влак дене сӧрастарышна. Тӱрлӧ оҥай заданийым ямдылен, йоча-влаклан ончылгоч сочиненийым возаш шӱден, ик жаплан шкежат «пеледышыш савырнышна». Тиде пайремыште, мыйын шонымаште, нуно шкалан ятыр уым да пайдалым пален нальыч, моторлык деке шижмашышт кугеме, келгеме.

Пеледыш… Тудо мемнам пӧлемыште ий мучко але, шошо гыч тӱҥалын, шыже марте куандара. Олыкышто, чодыраште, пасушто, палисадникыште, пӧлемыште тӱрлӧ тӱсышт, тамле пушышт кумылнам нӧлта, шинчанам йымыктара. Тидын нерген проектор дене фото- да видеослайдым ончышна.

Л. АЛЫНБЕКОВА.

Снимкыште: Моторлык тӱням сӧрастара!