Профессий-влакым чапландарат

24 сентябрьыште тыгай зональный конкурс Нефтекамск олаште эртен. Тушто Аскын, Балтач, Бирск, Благовещенск, Бурай, Дӧртыльӧ, Илиш, Калтаса, Краснокам, Мишкан, 

Татышле, Янаул районла, тыгак Нефтекамск ден Агидель олала гыч чумыргышо пашаеҥ-влак ойырен налме профессийыштышт усталыкыштым ончыктеныт. Мастарлык конкурсыш БР илыме вер да коммунальный озанлык министрын алмаштышыже Николай Ельниковат толын. Усталык таҥасымашын лектышыж почеш «Работник по эксплуатации оборудования, работающего под избыточным давлением, котлов и трубопроводов пара» номинацийыште А. Бадртдинова (Дӧртыльӧ ола), «Слесарь-электрик» номинацийыште А. Тимиргалиев (Янаул ола), «Монтажник санитарно-технических систем и оборудования» номинацийыште И. Фарваев (Нефтекамск ола), «Сварщик» номинацийыште А. Базуев (Нефтекамск ола), «Тракторист-машинист» номинацийыште Б. Биешев (Нефтекамск ола), «Рабочий по комплексной уборке территории, относящейся к общему имуществу в многоквартирном доме» номинацийыште Л. Минликаева (Нефтекамск ола) сеҥышыш лектыныт. Нуным тауштымо серыш да пӧлек дене палемденыт.  

Зональный йыжыҥлаште ончыл верыш лекше конкурсант-влак «Профессийыштыже эн сай» лӱмым сеҥен налме верч 15 октябрьыште Салават олаште республикысе конкурсышто кучедалаш тӱҥалыт.