+14 °С
Облачно
Верысе инициативылан полышым пуымо программым - илышыш
16 Сентября , 07:02
У Тынбайыште корным тӧрлатат
У Тынбай ялыште илыше калык «мыланна сай корно кÿлеш» шонымаш дене верысе инициативылан полышым пуымо программыш ушнен ыле. Тиде конкурсышто сеҥымылан нуно пеш куаненыт. Программым илышыш шыҥдарыме сомылым ямдылаш чумырымо инициативный тӱшка пашажым сайын шуктен.
Р. Ишмурзин (пурла гыч икымше), Э. Ильбахтин, А. Аликов корным тӧрлымаште тыршат. В. Ишмурзинан колтымо фото-влак.
«ЧОЛМАН» ГАЗЕТЫМ МАX-ЫШТЕ ЛУДЫНА!
Кодшо арнян корным тӧрлымӧ паша тарванен: Мичурин ден Лесной уремлаште тыгыде кÿм опташ каҥашеныт. Уфа оласе «Дорожные технологии» ООО Мичурин уремым тӧрлымӧ пашам мучашке шуктен. Тиде урем конкурсышто сеҥымылан кӧра тӱзаталтеш. Лесной уремым ял калык шке кÿшеш чумырымо оксаж дене тӧрлаш шонен пыштен.
Тиде арнян уремым тӧрлымӧ паша тÿҥалшаш. Лесной уремыш вес подрядчикым вучат. Бирск ДРСУ лаке-влакым келгемдыме пашам шуктен, переулоклаште да кажнын сурт воктене пуч-влакым тӧрлен оптен.
Мичурин уремыште шаргӱм шареныт.
Ял калык корным тӧрлышӧ-влаклан кертмыж семын полшаш тырша. 2026 ийыште илышыш шыҥдарышаш ППМИ программа почеш У Тынбайыште тӱрлӧ мероприятийым эртареныт: тиде субботник-влак, СВО-лан полыш, ялысе клубым ачалымаш, спорт да тӱвыра мероприятий. Ял староста Родион Ишмурзин кундемым тÿзатымаште ятыр пашам намия, корным тӧрлымӧ пашаланат вуйын шога. Вич икшыван ача чыла вере шуаш тырша. Вилена пелашыж дене пӧртыштым арулыкышто кучат, сурт-оралтыштым мотор деч мотор пеледыш сӧрастара. Ял илышым тÿзатымаште тыршыше тыгай еш-влак шукырак лийыт гын, корнат тӱзаталтеш, пашат куштылгын шукталтеш, самырык-влак ача-ава суртыш, шочмо кундемышкышт, куанен пӧртылыт.
Мичурин уремысе корно.
Тӧрлатыме корно.
