«Мыланна корно кӱлеш!»

Тиде проектын официальный лӱмжӧ тыгерак йоҥга: «Ремонт дороги по улице Туманная микрорайона Крымсараево ГО г. Нефтекамск РБ». Тиде уремыште илыше-влак   тачысе кечылан микрорайоныштлан шагал огыл пайдале сомылым шуктеныт. 

2026 ийыште илышыш шыҥдарышаш верысе инициативылан полышым пуымо программыш ушнымо шотышто тусо калык ятыр мероприятийым эртарен:

* Йырысе вер-шӧрым тӱзатыме кече ден экосубботник. Еҥ-влак тӱшка вий дене йӱр вӱд йогымо пучым (ливневкым) йӧнештарышт. Инфраструктурым вияҥдашлан тиде моткоч кӱлешан сомыл. Уремым эшеат моторракым, аруракым ышташлан нуно варарак экосубботникымат эртарышт.   

* «Весела старт-влак». Субботник деч вара йоча-влаклан тазалык пайремым - весела спорт модмашым - ямдылышна. Тушто кажне ӱдыр-рвезе вий-куатшым, писылыкшым, тале улмыжым ончыктен кертын.   

* Калык-влакын икоян улмо кече лӱмеш пайрем. Тиде кечын башкир, руш, татар, марий калыкын шочшыжо-влак шке калык кочкышыштым ямдыленыт да молымат сийленыт. Еҥ-влак сӧрал калык вургемыштым чиен миеныт. Тидыже пайремлан ойыртемалтше куанле шӱлышым ешарыш.  

* Аван кечыже лӱмеш йоча-влаклан сӱрет конкурс. Изи ӱдыр-эрге-влак сӱрет гоч аваштлан-ачаштлан нуным йӧратыме да тауштыме кумылыштым ончыктеныт.  

* Кызыт «Шкенан-влакым огына кудалте» мероприятийлан ямдылалтыт. 

Туманная уремыште илыше калык ППМИ конкурсышто сеҥымашлан да нунын проектышт 2026 ийыште илышыш шыҥдаралтмылан пеҥгыдын ӱшана. Микрорайон эшеат сай да мотор лийже манын, нуно чыла кертмыштым ыштат.