Спортплощадкым уэмдаш шонена

Арлан ялсоветыш пурышо ялласе калык илышыжым саемдышаш верч эре тырша. 2016 ий годсек верысе инициативылан полышым пуымо программыш ушнен, ятыр сай пашам шуктымо: школышто пластик окнам шындыме, класс кабинет омса-влакым вашталтыме, йыр печым уэмдыме, Уразай ялыште клублан у тӱсым пуртымо, Арлан да Можар яллаште шӱгарлам уэш печыме. Тиде программын пайдажым калык сайын умыла.

Н. Мухаметдинован фотожо.

Теният ял калык тиде пашалан рӱж пижын. Эртыше ийыште кылме тылзын кокымшо кечынже тӱшка погынымаште школын спортплощадкыжым уэмдаш кутырен келшеныт. Тыште паша ситышын: печым вашталтыман, куржталаш корным ыштыман, леведышан сценым чоҥаш да ончышо-влаклан мотор теҥгыл-влакым шындылаш кӱлеш.

Программым илышыш шыҥдарышаш верч погынышо еҥ-влак икте кодде йӱклышт.

Тунемше-влак спортлан моткоч шӱман улыт, тӱрлӧ таҥасымаште эре сеҥышыш лектыт. Тений 9 классыште тунемше йыгыр эрге-влак Илья ден Сергей Ценевмыт Сочи олаш «Шиповка юных» таҥасымашыш миеныт, ялысе школ-влак коклаште 6-шо верым налыныт, 5-ше класс гыч Кирьян Габбасов Краснокам районысо команда дене Саранск олаште Россий кӱкшытан таҥасымаште вийжым терген, команда 2-шо верым налын. Тыгак Сочи олаште команда 2-шо верыш лектын. Ветеран-влакат спортлан моткоч шӱман улыт, тӱрлӧ таҥасымашыш ушнат.

Калык тиде кӱлешан пашам ворандарен колтена манын ӱшана.

Автор:Л. МИТАЕВА. Арлан ял, Краснокам район.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».