Поро кумыл дене

Тушто «Шкенан-влакым огына кудалте» акцийым да специальный военный операцийыште эл ончылно порысыштым шуктышо салтак-влакым поддержатлыме шонымаш дене «Ныжыл сем» (снимкыште) да «Шочмо вож» ансамбль-влак выступатлышт. Концертын кажне номерже Шочмо элым йӧратыме, элна да тудым аралыше-влак дене кугешныме кумыл дене ташлен ыле. «Шкенан-влакым огына кудалте» ӱжмашымат ынде тыглай шомак-влак семын гына огына умыло, тиде чонышто шокшо шижмашым тарватыше да поро пашалан таратыше мут-влак. 

Меат ты кечылаште Реве школышто «Тылысе сомыл» мастерскойым почына. Ура чонан еҥ да кугурак класслаште тунемше - «Движение первых» толкынын участникше-влак салтак-влаклан кызыт пешат кӱлешан маскировочный сеть-влакым пидмашке рӱж ушнат манын ӱшанена. Теат СВО-што улшо-влаклан полшыза. Кумылда уло гын, мемнан дек ушныза - тыште чылалан паша лектеш!