Ял калык рӱж тырша

Кугешнен палемдыме шуэш - мемнан ялыште кумдан палыме марий просветитель, шанчызе-лингвист, поэт Гурий Гаврилович Кармазин (Кутлукай Ибаев) шочын-кушкын да тӱҥалтыш шинчымашым налын. Тыгак Совет Ушемын Геройжо Ишмай Иштубаевич Ишкинин шуаралтын, вий-куатым поген. Ял калыкна лӱмлӧ еҥ-влакым шарна, нунын дене кугешна да нунын пашаштым ял тӱзатыме сомылышто шуя.

Бурай ден Мишкан район границыште, ямле Азяк эҥер воктене кок уреман изи мотор ял верланен - тиде Тошто Эшым. Эшым ял гыч колтымо фото-влак.

Ял калык активын вуйлатымыже почеш шуко пашам шуктен шога, но чылажымат шке вий дене гына ыштен сеҥаш огеш лий, садлан Эшым калык ППМИ - 2025 программыш пураш пунчалым луктын. Тиде программа полшымо дене ялысе урем корным тӧрлынена.

Конкурсышто сеҥышаш верч ял калык пашалан кыртмен пижын - тӱрлӧ мероприятийым, субботникым, погынымашым эртарен шога. Тыге школ пакчам эрыктен, тошто печым рончен, оксам поген, у кӱртньӧ печым печеныт. СВО-ш колташ тӱрлӧ арверым чумыреныт, маскировочный сетьым пидыныт. Пырля погынен, ковыштам шинчалтат, комбым кӱрыт, тувыртыш пайремым, кидпаша касым, ава пайремым да молым эртарат. Тиде мер пашаш йоча-влакат кертмышт семын кыртмен ушненыт - Йӱштӧ кочан шочмо кечыже лӱмеш лумкурчакым ыштеныт, открыткым ямдыленыт, ава-влаклан пӧлеклаш чиян кагаз гыч пеледыш аршашым погеныт, саламлыме видеороликым ямдыленыт.

Ончылно эше шуко шонен пыштыме сомыл уло. Изижге-кугужге ончыкыжат кыртмен тыршена гын, ППМИ - 2025 конкурсышто сеҥаш ӱшанна кугу. Тек Эшым ялна умбакыжат пеледеш да тӱзлана!

Автор:К. ИШКУАТОВА, Е. САЛМИЯНОВА.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Об использовании персональных данных

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».