«Весела стартыш» ава-влакымат ӱжна

Спортзалыште «Весела старт-влак» таҥасымашым эртарышна. Ава-влак кок командылан шелалтыч да пеш талын ӱчашен модыч. Пайрем чылалан келшыш. Конешне, тыште келшымаш сеҥыш. Спортзалыште таҥасыме деч вара тунемше-влак шке классышкышт кайышт. Аваштлан ямдылыме почеламутым ойлышт, мурым мурышт да шке кид дене ыштыме пӧлекыштым кучыктышт.

Тиде пайремым йоча-влак да нунын авашт спортлан  шӱмаҥышт манын эртарышна. Ава-влаклан пиалым, тазалыкым, кужу ӱмырым тыланена.