Тӱвыра пӧртым ачалынешт

Лончылышаш йодыш ятыр ыле. Тиде конкурс нерген чумыр увер, тушко ушнаш пунчалым лукмаш, кызытсе жаплан эн кӱлешан сомылым ойырен налмаш, калык деч оксам погаш кӱлмым умыландарымаш да молат. 

Каҥашен налмек, погынышо еҥ-влак тений «Бажан селасе тӱвыра пӧртым капитально ачалымаш» проектым эн кӱлешанлан шотлышт да тудден проектыш ушнымо верч йӱклышт.

Чумыр пашам лӱмын сайлыме инициативный тӱшка виктараш тӱҥалеш. Чылажат шонымо семын лиеш да вес ийлан Бажан селасе тӱвыра пӧртым ачален кертына манын ӱшанен кодына.