Эн сайже йочалан лийже!

Воспитатлыме сомылым шукташ, йоча-влакын творчествыштым вияҥдаш, занятий ден модмаш-влак гоч айдемын койыш-шоктышыжым шуарашлан тидлан келшен толшо пӧлем, площадка-влак кӱлыт, лӱдыкшыдымылык йодышат ончыл верыш лектеш. Тидлан йочасадыште чылажат келшыше лийшаш. Пӧлем-влакын йӧнан улмыштат йоча-влакын тазалыкышт да психоэмоциональный шижмашышт дене чак кылдалтын. Тидым шотыш налын, тений йочасад «Замена детских раздевальных шкафов в приемных группах МАДОУ детский сад №39» проект дене верысе инициативылан полышым пуышо программыш ушнен. 

20 декабрьыште йочасадыш коштшо икшыве-влакын ава-ачашт, йочасадын пашаеҥышт, тысе микрорайонышто илыше-влак иктешлыше собранийым эртареныт. Тушто нуно йочасадын приемный группылаштыже йоча-влаклан вургемым кодымо шкаф-влакым алмашташ кӱлмӧ нерген каҥашеныт да верысе инициативылан полышым пуышо программыш ушнаш пунчалым луктыныт. Микрорайонышто илыше-влакым йочасадын тарватыме ойыш ушнаш ӱжына.